Dr.Nermeen abou’lnaga

عرفتي إن عندك مقاومة إنسولين؟ 🤔
متقلقيش… الموضوع مش معناه إنك لازم تمنعي النشويات أو تعيشي على الحرمان!

ابدئي بخطوات بسيطة 👇
🥖 اختاري مصادر نشويات أفضل وبكميات مناسبة
🥗 اهتمي بتوازن وجباتك وإضافة البروتين والخضار
🚶🏻‍♀️ زوّدي حركتك خلال اليوم
😴 اهتمي بالنوم وتقليل التوتر
⚖️ ولو محتاجة تخسّي، خلي نزول الوزن تدريجي وصحي

المهم إنك متدوريش على حل سريع… غيّري عاداتك بشكل تقدري تكملي عليه. 🤍

#التغذية

بتلاحظي إنك بعد الأكل بتحسي بخمول وعايزة حاجة مسكرة؟
أو محيط بطنك بيزيد، وبتلاقي اسمرار في الرقبة أو ظهور زوائد جلدية؟

الأعراض دي ممكن تكون إشارات إن جسمك مش بيتعامل مع الإنسولين بكفاءة زي الأول.

مقاومة الإنسولين مش معناها إنك لازم تكوني مريضة سكر، لكنها علامة إن جسمك محتاج اهتمام وتغيير في نمط الحياة. 🤍

لو عندك أكتر من عرض من دول، متجاهليش الإشارات اللي جسمك بيبعتهالك.

#التغذية

مقاومة الإنسولين بتحصل لما خلايا الجسم تبدأ تستجيب للإنسولين بشكل أقل كفاءة.

فيحاول البنكرياس يعوّض ده بإفراز كمية أكبر من الإنسولين علشان يدخل الجلوكوز للخلايا ويحافظ على مستوى السكر في الدم.

ومع استمرار المقاومة، يفضل الإنسولين مرتفع في الدم، ومع الوقت ممكن يبدأ سكر الدم في الارتفاع.

طيب إيه اللي بيخلّي الخلايا توصل للمرحلة دي؟ 👀
تعالي نفهمها خطوة بخطوة في البوست 🤍

#الإنسولين

مش كل عادة بنعملها كل يوم بتبان خطورتها فورًا… لكن مع الوقت ممكن تأثر على حساسية الإنسولين 👀

طيب قوليلي بصراحة 👇
بتعملي كام حاجة من دول؟

#صحة #تغذية