Roukaya

وداعاً لجفاف الصيف: سر "المشاط" اللي أنقذ شعري ووفر فلوسي!
مع دخول الصيف والرطوبة العالية، شعري كان بيتحول لـ "قشة" حرفياً. جفاف مش طبيعي، هيشان، ومظهر باهت يضايق. طبعاً أول حاجة فكرت فيها هي منتجات العناية بالشعر الغالية.. كريمات، سيروم، وماسكات براندات، والنتيجة؟ ميزانيتي أتلفت وشعري زي ما هو!
لحد ما قررت أرجع للطبيعة وأجرب سر جداتنا: "المشاط"
النتيجة صدمتني لدرجة إني لازم أشارككم التجربة! 😍
خلطتي السحرية: ماسك المشاط مع حمام الكريم
بدل ما أستخدمه بالطريقة التقليدية الصعبة، ابتكرت مكس رهيب وموفر جداً:
المكونات: معلقة كبيرة من بودرة المشاط الأصلي + كمية مناسبة من حمام الكريم المفضل عندك (أي نوع بتستخدميه).
الطريقة: اخلطيهم كويس جداً لحد ما يتجانسوا، وزعي الماسك على شعرك (ركزي على الأطراف الجافة وابعدي عن الفروة لو مش حابة)، وسيبيه من 30 لـ 45 دقيقة تحت البروكاب أو بونيه بلاستيك أو ستان، واغسليه بمية فاترة.
ليه الخلطة دي غيرت شعري 180 درجة؟
1. ترطيب عميق وممتد: المشاط بيقفل الرطوبة جوة الشعرة، وحمام الكريم بيديها النعومة، المكس ده خلي شعري طري لأيام مش مجرد ساعات.
2. قضاء تام على الهيشان:جفاف الصيف والرطوبة مابقوش يأثروا في شعري زي الأول.
3. توفير حرفي للميزانية:بجد وفرت آلاف الجنيهات اللي كنت هصرفها على منتجات الـ High-end. علبة مشاط بسيطة مع أي حمام كريم تجاري هتديكِ نتيجة صالونات!
4. فوائد جانبية خيالية:مع الاستمرار، هتلاحظي إن المشاط بيطول الشعر، بيقويه، وبيدي ريحة عطرية طبيعية ومميزة جداً للشعر.
نصيحة من اختكم مش كل غالي فايدته معاه، ساعات الحلول الطبيعية الرخيصة بتبهرنا. لو بتعاني من جفاف الصيف، جربي ماسك المشاط وادعي لي!

كان بقالي فترة موقفة الغسول الكيميائي، تكاد تكون شهور، بسبب إنه مش آمن في الحمل ولا بعد الولادة، لكن اكتشفت اكتشاف عسول، طبيعي مية في المية، عبارة عن مسحوق وشوية ماية، وبيفضل معايا فترة كبيرة جدًا، يعني البرطمان دا معلقة تقريبًا، وللاستخدام اليومي كمان..
تعالوا اقولكم بيعمل إيه!

ـ بيشيل الرؤوس السودا والبيضا من أول استخدام هتشوفي الفرق
ـ بيدي نضارة وبيحسن ملمس الجلد
ـ بيشيل التصبغات
ـ بيوحد لون البشرة المتضررة من الشمس
ـ وبيهدي البشرة

الكمية دي هتقعد كتير، لأني برجه كويس قبل الاستخدام، أو لو لقيت فيه فوم من الرج آخر مرة بستخدم منه حبة صغيرين وبيكفوا، حقيقي تحفة.. وبستخدمه بعده المرطب بتاعي وعلى ضمنتي لو سيبتي بشرتك يومين تلاتة من غير المرطب، هتفضل مترطبة برضو، إلا لو أنتِ بشرتك شديدة الجفاف بقا.

عبارة عن سدر مطحون أصلي + ماء
جميل اديه ١٠/١٠ ونجمة

تقدروا تطلبوه من البراند عندي، لأني قررت بعد ما جربته إن كل البنات تريح نفسها من المواد الكيميائية شوية وتستخدمه ❤️

Roukaya 🌱