Reborn Rising

الجسم مش أنظمة منفصلة، كل واحد بيشتغل على مزاجه. الجسم عباره عن سلسله من الاجهزه المعقده اللى بتشتغل مع بعضها فى تناغم عشان تؤدى وظايف الجيم بكفاءه. ودي الحتة اللي بتضيع من أغلب الناس.

حساسية الإنسولين لما تقل، بتأثر على التستوستيرون. والتستوستيرون لما يقل، بتأثر على تكوين جسمك وطاقتك. والميتوكوندريا لما كفاءتها تقل، بيبان عليك كضباب ذهني وتعب مش لاقيله سبب. كل واحد فيهم بيسحب التاني معاه، في الاتجاهين

وعشان كده اللي بيشتغل على حاجة واحدة بس غالباً بيقف عند حد معين. بيظبط أكله وبس، أو بيتمرن وبس، أو بيدور على هرمون واحد يرفعه. والنتيجة إنه بيتحرك شوية وبعدين يقف، ومش فاهم هو واقف ليه.

الطريقة الأذكى إنك تشوف الصورة كاملة الأول. تعرف كل نظام فيهم واقف فين بالأرقام، وتبدأ من اللي بيعطل الباقي. ساعتها التحسن بيبقى أسرع، لأنك بتحرك حاجة بتشد ورا الحاجات التانية. و من هنا تقدر تبداء روتين مش بس يوصلك لاهدافك لا دا كمان هيحطك فى افضل موقف و مكان تتطور منه...

EXCUSE THE BUBBLE GUM STICK

Look in the Mirror i promise you aint perfect

في فرق بين قرار وتجربة. القرار إنك تعرف إيه اللي هيحصل، وإيه التمن، وإزاي هتقيسه. التجربة إنك تعمل حاجة وتستنى تشوف. يا ترى هتنجح ولا هتفشل.

أغلب الناس اللي بتدخل المجال ده فوق التلاتين مش بتاخد قرار. بتاخد وصفة اشتغلت مع حد تاني، جسمه مختلف، وسنه مختلف، وتاريخه الطبي مختلف. والوصفة دي اتبنت على تجربة شخصية مش على متابعة منظمة، فمحدش يعرف نسبة اللي اشتغلت معاهم من نسبة اللي دفعوا تمن مشافوش حد بيتكلم عنه.

و الاهم: كل النظام ده مبني على افتراض إنك هترجع لطبيعتك بعدين. ودي الحتة اللي محدش بيتابعها. مفيش تحاليل بعد سنة، ومفيش سؤال عن اللي حصل للناس اللي مرجعتش.

لو محدش يقدر يقولك ده هيعمل إيه فيك إنت بالتحديد، وإزاي هتعرف، وإيه خطة الخروج يبقى إنت مش قدام خطة انت قدام تجربه. و الفار هو انت

السؤال اللي المفروض تسأله قبل أي حاجة مش "هي شغالة ولا لأ". السؤال هو "إيه اللي إحنا عارفينه عنها بالظبط، وإزاي عرفناه؟"
لأن في فرق كبير بين حاجة مفيهاش أي دراسة بشرية، وحاجة اتدرست بشكل صح وماثبتتش، وحاجة شغالة فعلاً بس ظهر بعدها أحدث وأقوى منها. التلاتة دول بيتقالوا بنفس الثقة وبيتحطوا في نفس المستوى، وده أكبر مصدر تشويش في المجال ده كله.

والنقطة التانية: أي مركب بيشتغل فوق أساس. النوم، والتغذية، والتمرين، والتحاليل اللي بتقولك إنت واقف فين. من غير ده، إنت بتضيف أدوات على نظام مش جاهز يستفيد منها. و الاهم ان مش كل الادوات هتنفع معاك و الخصاءص و المميزات اللى بتسمعها غالبا بتكون نظريه.

وفي الآخر، الفرق مش في إنك تاخد أكتر. الفرق في إنك تاخد اللي وراه دليل حقيقي، وفي التوقيت الصح، ومتابع بأرقام. و الاهم يكون المناسب لهدفك و يساعدك تحققه.

ماتمشيش ورا الترندات دى مش موضه. دى صحتك ما تءذيش نفسك وانت بتحاول تساعدها.

في نوعين دهون في جسمك، والفرق بينهم مش شكلي.
الدهون اللي تحت الجلد هي اللي بتمسكها بإيدك، والدهون الحشوية هي اللي جوه، حوالين الكبد والبنكرياس والأمعاء. النوع التاني ده مش مجرد تخزين — ده نسيج نشط بيفرز مواد التهابية وبيأثر على حساسية الإنسولين، وهو المرتبط بأمراض القلب والسكري أكتر بكتير من الوزن نفسه.
وعشان كده ممكن تلاقي حد وزنه عادي وشكله كويس، وتحاليله بتقول حاجة تانية خالص. الميزان مش بيفرق بين النوعين، ومحيط الخصر بيقول عن صحتك أكتر من الرقم اللي بتشوفه كل صباح.
الحاجة الحلوة إن الدهون الحشوية بتستجيب بسرعة. الكارديو المنتظم، النوم، تقليل السكر والأكل المصنع، وتمارين المقاومة — دي بتحركها قبل ما الميزان يتحرك أصلاً.
عرفت الببتيد اللي في الفيديو؟ اكتبه في الكومنتس 👇

الثقة العمياء في أي جهة رقابية اتثبت إنها مش استراتيجية صح. في أدوية اعتمدت رسمياً وفضلت في السوق سنين، وبعدين اتسحبت بعد ما ظهر ضررها. الفيوكس والفين-فين مجرد مثالين. يعني الختم نفسه مش ضمانة مطلقة، ومحدش بيقولك ده.

وفي الناحية التانية، في مركبات مفيش حد بيصرف عليها دراسات أصلاً مش لإنها اتثبت إنها وحشة، لكن لإن اللي هيدفع الملايين على التجارب محتاج يعرف هيرجّع فلوسه إزاي. لما المركب مش قابل للتملك، الدراسة مش بتتعمل. فالنتيجة إن اللي بيتدرس مش بالضرورة الأهم، ده اللي وراه مصلحة تجارية واللى يكسب اكتر.

الخلاصة بالنسبالي: أنا مش بستنى حد يقررلي، ومش بصدق أي حاجة لمجرد إنها محبوبه أو مرفوضة. بدور على الدراسة نفسها، وعلى إيه اللي اتجرب على بني آدمين، وبتابع بتحاليلي. صحتي مسؤوليتي، مش مسؤولية شركة ولا هيئة.

الطفل بيتولد واحساسه بالشبع وحساسية هرموناته فى افضل حال. وللاسف بالعادات السيءه و ال force feeding. بندربه انه مايسمعش جسمه و يروح للاكل الاسهل الاكل السريع اللى هيبوظ معدلات الايض عندهم و حساسية الانسولين و يخليهم يعملوا خلايا دهنيه عمرهم ما هيقدروا يتخلصوا منها.

دا الميراث اللي لا يقدر بثمن

🫱🏻‍🫲🏽